ဗေဒါလမ်းကဗျာ
မြစ်တန်းမှာတဲ့လေကြမ်းစဉ်
ထန်လိုက်လေ လေမုန်တိုင်း၊
လှိုင်းကဘောင်ဘင်
တစ် လှိုင်းထွက်တစ်လှိုင်းဝင်၊
ဗေဒါခင်ဖြစ်နဲ
စိုးရွံ့မှာပဲ။
မြစ်ရိုးမှာတဲ့မိုးသက်ဆင်...
လျှပ်ကြိုးပျံမိုးသံထစ်၊မိုးစစ်ဘုရင်
မိုးညစ်လို့မြစ်မမြင်၊ဗေဒါခင်ဖြစ်နဲ
ရေလှိုင်းဗလပွနဲ့
မိုးသက်လေရေတစ်ရိုးမှာ စိုးရွံ့မှာပဲ။
စိုးမရွံ့တွန့်မတုန်
မိုးနှင့်လေ ရေရှုပ်ထွေး။ရွေးမှမဖြုံ
ဆန်လိုက်ပြန်တုံစုန်လိုက်ပြန်ရ
ခေါက်ပေါင်းမရေနိုင်လို့
ဗေဒါခိုင်သည်မြစ်ထဲရဲခဲ့သည် ပါ။
(ဇော်ဂျီ)
မုန်း မိုး စွေ ရွာ
ရင်ကွဲနာ အလွမ်းဇာတ်
တစ်ခန်းရပ် သုဉ်းစေ
အနမ်းမြတ် မှုန်းလေကွယ်
နှလုံးမြေဝယ် ပျော်ဖူး ။
မကြင်၍ သခင်မေရယ်
တမင်သွေ ဘယ်မြေသို့ကူး ။
မျှော်လင့်လို့ ခေါ်ဆင့်တာကို
ဖော်ခင့်မှာ သိဘူး
အပျော်လင့်ကြာ မချိရူးလို့
အကြည့်မူး သည်းကြွေ ။
ပန်းတမေ လွမ်းစေညွှန်းပြီပေါ့
ကျွမ်းလေလွန်း သောကဗျာပွေ ။
ရင်နွမ်းလို့ ခင်လွမ်းနေရင်
မြင်စမ်းစေ စာနာစိတ်နှင့်
မာယာရိပ် နှလုံးသူခိုးမေရာ
မုန်း မိုး စွေ ရွာ ....
ပန်းမကိုဋ် နန်းထိုက်ကညာကို
လွမ်းလိုက်တာ သိတော်မူလေး ။
မင်းခသူ
( သုံးချက်ညီတေးထပ် )
ဖခင်တစ်ယောက်ရဲ့ ဘဝ နှင့် ဆန္ဒ
္ဒ
သားရေ
သားလိုအရွယ်အဖေ့ငယ်ဘဝ
ချပြရရင် မယ်မယ်ရရ ဘာမှမရှိပါဘူးကွာ
ပတ်ဝန်းကျင်က အညတရ
မိဘတွေက ဆင်းရဲလှ
အဖေ့ကိုယ်၌က ထုံအအ
အဲဒီလိုနဲ့ လူ့ဘဝကို...
ပုပ္ပါးတောင်ခြေ ကျောက်ပန်းတောင်းဆိုတဲ့
နယ်မြို့လေးက စခဲ့ ။
ခေတ်စနစ်ဆိုးကြီးထဲလူဖြစ်ခဲ့ရတဲ့
ကလေးတစ်ယောက်ဘဝမှာ
အတွေးတွေက ဒွိဟ
ရည်မှန်းချက်က မှုံပြပြ
ပိုင်ဆိုင်တာက သုည
နေရတာက မပြည့်မစုံဘဝနဲ့ပေါ့။
" စားဝတ်နေ "အရေးသုံးပါးနဲ့
လုံးထွေးပြေးလွှားရုန်းကန်နေတဲ့
အဖေ့မိဘသားကိုကျောင်းထားတာ
ဆရာဝန်ဖြစ်ဖို့
အင်ဂျင်နီယာဖြစ်ဖို့
အဲလို ရည်ရွယ်ချက်ကြီးကြီးမထား
အစဉ်အလာနဲ့ဝတ္တရား
မပျက်ပြားရအောင်ဆိုပြီထားခဲ့တာပါ ။
မှုံတေတေ အဖေ့ကျောင်းသားဘဝ
မပြည့်စုံမှုတွေက စခဲ့
ကျောက်သင်ပုန်း၊ ကျောက်တံ
ဗလာစာအုပ် နဲ့ ခဲတံ
ဘာသာရပ်လိုက်အစုံအစိ မရှိ
သင်္ချာကုန်တဲ့အခါ
မြန်မာစာမှာပေါင်းရေး
အင်္ဂလိပ်စာအုပ်နောက်ဖက်မှ လှမ်ရေးရင်း
စာအုပ်သစ်လေးရဖို့ စောင့်ခဲ့ရ
ယ္ခုသားမှာလို တပွေ့တပိုက်ကြီးမရှိတဲ့ဘဝပါ။
ညရောက်ပြီလားဆိုရင်
ရေနံဆီမီခွက်က အလင်းရောင်နဲ့
ပြူးပြဲနေအောင် မျက်လုံးဖြဲ
အသံဗြဲကြီးနဲ့ စာကျက်ခဲ့ရ
လျှပ်စစ်မီဆိုဝေလာဝေး
ဘတ္ထရီအိုးနဲ့မီသီးလေးတောင်မရှိ
ပြန်တွေးကြည့်ရင်
ရေနံဆီမီခွက်နဲ့ ဟောဒီအဖေ
လင်ကွန်းရဲ့ ငယ်ဘဝထက်တောင်သာလေမလား?
သိုသော်....သမ္မတလင်ကွန်းလောက်
်တော့
ဒီအဖေ မတော်၊ မထူးချွန်ခဲ့ပါ ။
ထုံပေပေ အဖေ့သဏ္ဌာန်
ဂုဏ်ရွှေငွေ မရှိမှန်လည်း
မာနနဲ့ဇွဲမှာ အတန်းထဲ ပထမစွဲခဲ့
သူဌေးသားတွေလိုမဝတ်နိုင်
သူတို့လို မစားနိုင်
ကျောင်းစာတော့ပြိုင်ခဲ့
အဆင့်ကိုကြည့် အတန်းထဲ တစ်နှစ်သုံးမှာရှိခဲ့ ။
မဆလခေတ်ပျက်
လမ်းစဉ်လူငယ်လဲဖြစ်ခဲ့
ဘောလုံးကန်၊ခြင်းခတ်၊စစ်တိုက်တမ်းဆော့
လှုပ်လှုပ်ရှားရှား အားကစား
ကာယအချိန်များမှာ ပျော်ခဲ့ ။
ကျောင်းနဲ့လမ်းစဉ်လူငယ်မှာ
နို့ဆီနဲ့သကြား၊ဘီစကစ်များပေးပလားဆို
အပြေးအလွားတန်းစီထုတ်
ခြေကုန်သုတ် အိမ်အပြန်
အကြိုက်နှံကာ စားခဲ့
ထိုစကားများ သားပြန်ကြားတော့
ထူးဆန်းထွေလာ အံဖွယ်ကမ္ဘာပေါ့။
အဖေ့အတွက်ကျောင်းဝတ်စုံ
အပြေးအလွှားကြည့်ပါမှ သုံးစုံတည်း
တထွန်နဲ့မာစရိုက် ကျောင်းဝတ်စုံ
အဖေ့အတွက်တော့သုံးမကုန်တဲ့ပဒေသာပင်
ဝတ်စရာတွေတစ်ပုံတစ်ပင် အပြည့်
သားပိုင်တဲ့ဗီဒိုကြီးတစ်လုံးနဲ့
ယှဉ်ကြည့်တော့
မိုး နဲ့ မြေကြီး ။
ငယ်စဉ်အဖေ့ဘဝ
အကောင်းဆုံးအစားအစာ
ကြံသကာ နဲ့ ကပ်စေးနှဲ
တစ်နှစ်တစ်ခါမှမြင်ရတဲ့ "ရှားမီချိုချင်"
အဖိုးချိုပြန် ရေခဲချောင်းဆယ်ပြားတန်
ဓါးလှီးတဲ့ရေခဲချောင်းဆို အဖေ့တွက်မလို (မစားနိုင်လို့)
ထိပ်မှာပဲပါရေခဲချောင်း အဖေနဲ့လုံးဝမပေါင်း (ပိုက်ဆံမရှိလို့)
ခါးပိုက်ထောင်ထဲက ပဲကြီးလှော်
ထန်းလျက်နဲ့ တွဲစော်
အဖေ့အတွက် မဟာပွဲတော်
သားရဲ့လက်မှာ စားဖို့ အမြဲဆုပ်
နိုင်ငံခြားလုပ် မုန့်ပုံးနဲ့ချောကလက်
အဖေ့ငယ်ဘဝမှာ တပ်မက်ခဲ့ဘူးတယ် ။
တေဇ၊ရွှေသွေး၊မိုးသောက်ပန်းနဲ့
စာစောင်တွေ
အဖေ့ဝယ်ကိုယ်ပိုင်မရှိ
ကိုယ်စီကိုသူမလာ
ကိုယ်ကသူ့စီသွားခဲ့တယ်
(သူငယ်ချင်းထံမှငှါး)
ဦးပေါ်ဦးနဲ့သိခဲ့
စကားတောင်စားနဲ့ သိခဲ့
မင်းသုဝဏ်နဲ့ သိခဲ
အောင်ဆန်းနဲ့ သိခဲ့
သိုသော်.....အဖေနဲ့သိတဲ့သူ နည်းခဲ့
သိသင့်တဲ့လူတွေနဲ့ အလှမ်းဝေးခဲ့
သားကတောလူတွေအားလုံးနဲ့သိရမယ်။
ခေတ်ပညာမတတ်ရှာတဲ့ အဖေ့မိဘ
စာအုပ်စာပေနဲ့အလွန်ဝေး
သားရဲ့အဘ အဖေ့အဖေ
ဘာကြောင့်ခေတ်ပညာမတတ်
သားရဲ့အဘ ကိုးနှစ်သားသူ့အဖေဆုံး
သားလိုအရွယ် အဘမှာအဖေမရှိ
လေးတန်းနဲ့ကျောင်းထွက်
ရိုးအတဲ့မိခင်နဲ့သူ့ညီကို လုပ်ကိုင်ကျွေးခဲ့
ခေတ်ပညာမတတ် ဘုန်းကြီးစာတတ်တယ်
ဘာသာရေးစာတော်တော်ရောက်ခဲ့
ဟောဒီ့သားအဖေ ဘွဲရခဲ့
ပါဠိစာပေဘာမှမသိ ငါဆိုတဲ့ဘဝင်ပဲရှိ
လောကသဘော ပြီးပြည်စုံတယ်မရှိ
အေဘီစီ အစအဆုံးမသိတဲ့ အဖေ့အဖေ
နိုင်ငံခြားမှာနှစ်ကြာစွာနေပြီး
ငွေရှာဖူးတယ် ။
အဖေနဲ့ သားရဲ့အဘ အတူနေရတာနည်းခဲ့
အဖေ့အဖေဟာ မိသားစုဘဝပန်းတိုင်ရောက်ဖို့
သံလက်ကိုင်ပြီး ချီတက်ခဲ့
သူ့သားရဲ့ဘဝပုံပေါ်လှပဖို့
အဲဒီ့သံလက်နဲ့ ပန်းပုထုခဲ့
တစ်သက်စာစကားတစ်ခွန်းနဲ့ဆုံးမ
"လူပီသဖို့ ရိုးသားမှုရှိရမယ်"
အဲ့ဒီအချိန်က အဖေ နားမလည်ခဲ့
လူပီသတာ၊ ရိုးသားတာ ဘာမှမသိ
ယ္ခုသားကိုပြောပြမယ်
ရိုးသားဖို့ သီလရှိရ
သီလခိုင်မြဲဖို့ ယုံကြည်မှုရှိရ
သီလ၊ယုံကြည်မှုကို သတိနဲ့ထိန်းရ
ဒီသုံးချက်ပြည်စုံမှ ရိုးသားမှုဂုဏ်မြောက်
ဒီသုံးချက်က ဝါးသုံးချောင်းထိပ်ဆိုင်ထောင်
အောက်ခြေကားထာပုံနဲ့တူ
ဝါးတစ်လုံးလဲ ကျန်ဝါးတွေပါပြို
ပါးစပ်ကျယ်နိုင်သလောက် အလုပ်ခက်တယ် ။
မပြည်စုံမှုနဲ့ အဖေ့ငယ်ဘဝ
ရိုးသားမှုတွေ ချမ်းသာခဲ့
အဲ့ဒီချမ်းသာတဲ့ ရိုးသားမှုက အားလုံးကိုနိုင်ခဲ့
တွေ့ကြုံခဲ့အကျိုးတွေကို ဒါငါ့ဘဝလိုလက်ခံခဲ့
လောကသဘော
အမြဲ မဆိုး/မကောင်း ၊ မမှောင်/မလင်း
ဒါသူ့အဆင်းနိယာမ
သိပါမှ လူပီသစွာနေနိုင်တယ် ။
အဖေ့ငယ်ဘဝ သံလက်နဲ့ပုံထုခံခဲ့ရ
အခုသားဘဝ ဒီဖေပေးတဲ့လူပီသမှုနဲ့စပါ။
ငယ်ဘဝက ဇွဲ၊သတ္တိနဲ့ ရုန်းထခဲ့တဲ့ဒီအဖေ
သားကိုအမြင့်ရောက်အောင်ထမ်းတင်ဖို့
ဒူးတစ်ဖက်လှေကားလိုထောက်ထိုင်
ရင်ကိုမော့ ပခုံးကိုအသင့်ပြင်
သားတက်အလာလမ်းစောင့်
အားကို နိုင်အောင်စု
ခါးကို သန်အောင်ပြုမို့
အဖေ့ပခုံးပေါ်ခုတက်လိုက်ပါသားငယ်။ ။
ကျော်မိုး .စကားဝါမြေ.
ခေါင်းလောင်းသံ စာတမ်း
(၁)
ကြယ်တာရာတွေ စူးစူးဝါးဝါးငုံ့ကြည့်နေတဲ့ကဝေည
မေမေ့...ကို ကျွန်တော်သတိရလိုက်တာ…
ညဥ့်ငှက်တွေက ကမ္ဘာအပေါ်ယံမှာလူးလာပျံသန်း
လရောင်ကို တောင်ပံနဲ့ တဖြန်းဖြန်းရိုက်ကြတယ်…။
လောကအတုမှာ … လူသားအတုတစ်ယောက်
ကိုယ့်ပေါက်ချွန်း ကိုယ်ထမ်းပြီးလမ်းလျှောက်နေတယ်
မေမေ...
ကျွန်တော့်အတွက်တော့ မေမေ့ရင်ခွင်ဟာ
သောကကင်းဝေးတဲ့ ငြိမ်းချမ်းရေး “နယ်” ပါ
အခု...ဘယ်မှာလဲ
ဘယ်မှာလဲ...။
မြမှုန်မိုးနှင်းတွေက ရွှေရောင်တဝင်းဝင်းတောက်
မေမေ့အုတ်ဂူကို စောင့်ရှောက်ကြလိမ့်မယ်
ကောင်းရာဘုံကိုသွား အားလုံးကိုမေ့ထားခဲ့ပါတော့
မေမေ...။
(၂)
ကျွန်တော်မှတ်မိသမျှ...
မေမေ့မျက်လုံးဟာ ဆောင်းရာသီဆန်လွန်းတယ်
မြူတွေဖုံး ၊ နှင်းစက်တွေဖုံး
နေရောင်တွေလည်း ခါးကုန်းအောင်ရုန်းခဲ့ရပေါ့
သစ်ကိုင်းခြေက်ကြီးက မီးတောက်ကလေးကိုမွေးဖွား
ပြာအနန္တတိုင်အောင် ထွေးပိုက်ပျိုးထောင်သွားသလို
မေမေဟာ...
သူ့ကိုယ်သူဖြန့်ခင်းပြီးကျွန်တော့်ကို လျှောက်နင်းခိုင်းခဲ့တယ် ။
မုသားတစ်လွှာ မာယာတစ်ထပ် ၊ ဝတ်ရည်တစ်စက်နဲ့
အို...ခတ္တာရေ...
ပုခက်လွှဲသောလက်တွေနဲ့ ကျွန်တော့်ကိုစိုက်ပျိုးခဲ့ရုံသာမက
သူမကိုယ်တိုင်က...
ကျွန်တော့်အတွက်ဆိုရင် ပုခက်ဖြစ်ပြခဲ့တယ်...။
“ အမေ ” အဖြစ်
စုန်ရေသစ်စီးကြောင်း ၊ တောင်ကျချောင်းကလေး
အေးလို့ မွှေးလို့တည်ခဲ့ပြန်တယ် ။
(၃)
ခြေထောက်တွေက် လှေကားထစ်အတိုင်းတက်သွားပြီး
လူက...လှေကားခြေရင်းမှာ ကျန်ခဲ့ရတယ်
ဘယ်သူမဆို
ကိုယ့်အရိပ်ထဲမှာ ကိုယ်ပြန်ခိုချင်လို့မရဘူး
ကျွန်တော့်ကို “မေမေ” ပြန်ပေးကြပါ ။
ပြက္ခဒိန်ထဲမှာ ကြယ်ပွင့်ပြရေးစရာမလိုတဲ့
သာမန်အညတရ မွန်းလွဲအိုတစ်ခုက
“မေမေ့ ”ကိုလုသွားတယ်...။
နေပူအရပ်ရဲ့ ကောင်းကင်နက္ခတ်အဖြူများဟာ
လင်းအားပြင်းထန်၊ လူငယ်တစ်ယောက်ရဲ့နှလုံးသားအတွင်းကို
တရှူးထိုးဆင်းချတယ်...။
လက်ဖမိုးနဲ့ဖျက်ဖျက် လက်ဖဝါးနဲ့ဖျက်ဖျက်
ပါးပေါ်စီးတဲ့မျက်ရည်စက်လေးကတော့ ပျက်သွားမှာပါ
ဒါပေမယ့် မေမေရယ်...။
(၄)
မေမေ့မှာ
နာကျင်ခဲ့ရတဲ့ ဂန္ထဝင်သက္ကရာဇ်များ
ဆက်ထုံးရှည်လျားလျား ရှိခဲ့တယ်...။
ငယ်ငယ်ကတည်းက
“ ဝ ” လုံးဘယ်မှာစဖတ်ရမှန်းမသိတဲ့ကျွန်တော်က
မေမေ့အကြောင်းကိုလည်း အခုထိစာလုံးမပေါင်းနိုင်ခဲ့ဘူး...။
မေမေ့မှာ
ဘာသာဗေဒမတူ ၊ ဖတ်တဲ့စာချင်းမတူ ၊ ခူးတဲ့ပန်းချင်းမတူ
မိတ်ဆွေနဲ့မတူတဲ့ မိတ်ဆွေတွေရှိတယ်…။
မေမေဟာ
အက္ခရာနဲ့ဖော်ပြလို့မစွမ်းတဲ့၊ ယဉ်ကျေးမှုအခန်းခန်းကို
လွှမ်းရုံဖန်ဆင်းထားသူဖြစ်တယ်...။
ကျွန်တော့်မေမေဟာ
သူများမေမေတွေထက်…နို့ရည်ပိုမထွက်ပါဘူး…
ဒါပေမယ့် မျက်ရည်တော့ပိုထွက်ရင်ထွက်မယ်…
ကျွန်တော်ကလည်း ဆိုးခဲ့တယ်လေ…။
(၅)
ဖုန်မှုန့်ပျံ့စင်...
ကျွန်တော့်ရဲ့စိတ်ကူတယဉ်ယဉ်တွင်းဟောင်း
အခု...လင်းနို့တွေအောင်းနေပြီမေမေ…။
လွန်ခဲ့တဲ့အနှစ် (၂ဝ) ကျော်
ကျွန်တော်မြင်းရုပ်စီးပြီး ၊ သစ်သားခွာကြီးနဲ့ခရီးတွေနှင်
မေမေ့လက်ခုပ်သံတလွင်လွင်ပေါ့….။
စိတ်မလိုရင်ကောင်းဘွိုင်ဦးထုပ်ကိုဆွဲဖြဲ
ဂျစ်ကားတွေတက်နင်း ၊ ရထားတစ်စင်းလုံးဆောင့်ကန်
ကျွန်တော့်ထမင်းပန်းကန်အထူအပါး
မေမေခွံ့ကျွေးမှစားခဲ့တယ်...။
မေမေက ဥုံဖွလို့မန်းမှုတ်ရင်
ဒုက္ခအပေါင်းဟာ တိတ်ဆိတ်ငြိမ်သက်
ကျွန်တော့်ရှေ့မှောက်မှာ ကြောက်ရွံ့စွာလက်ပိုက်ရပ်ကြတယ်...။
“လူကလေးရဲ့အိပ်ချိန်တန် ဗျိုင်းရှေ့ကပျံ ” တဲ့
မိုးအုံ့နေတဲ့မျက်လုံးနဲ့၊ မေမေ့ပခုံးမှာမှီတွယ်ငိုက်မျဉ်း
ကျွန်တော်ကလည်း အိပ်ပုတ်ကြီးတယ်...
ကျွန်တော်အိပ်တိုင်း မေမေ့ဗျိုင်းကလည်းရှေ့မှာပျံတယ်...။
ကျွန်တော့်အိမ်မက်
မေမေ့လည်တိုင်ကို ဖက်လို့ပေါ့။
(၆)
ဟင်းလင်းပွင့်နေတဲ့ကျွန်တော့်ရင်ဘတ်ကိုဖုံးဖို့
အင်္ကျီမှာ ကြယ်သီးတစ်လုံးလိုနေပြီမေမေ...။
ငယ်ငယ်ကတည်းက...
မေမေကခံတပ်လုပ် ၊ ကျွန်တော်ကသူရဲကောင်းလုပ်
ရန်သူတွေနဲ့ဝေဝေဆာဆာ ဓားချင်းခုတ်ဖူးတယ်...။
ကျွန်တော့်ဘဝတောက်လျှောက်
မေမေဟာ ခံတပ်ဆန်သူတစ်ယောက်ပါပဲ...
ကျွန်တော့်ဘက်မှာရပ်တည် ၊ ကာကွယ်တိုက်ခိုက်
သူမကိုတော့ မြားအစင်းစင်းစိုက်ခဲ့တယ်...။
ကျွန်တော့ကိုအလိုလိုက်...ကျွန်တော့ကိုမရိုက်
ကျွန်တော့ကိုရိုက်လည်းကျွန်တော်မငို...မေမေပဲငို ။
မေမေပြောတဲ့ကျေးလက်နီတိ
“မတက်ပဲမန်းရင် တစ္ဆေမုန်းလိမ့်မယ် ”
ဆေးမျက်လုံးနဲ့ကြည့်... တဲ့ ။
(၇)
လေကိုလေနဲ့မှုတ်တာကမှလွဲဦးမယ်...
ကျွန်တော့ကိုမေမေက...
ပညာလှလှတတ်စေချင်တာ...အသေချာပဲပေါ့…။
ကောင်းကင်ပေါ်က “လ”နဲ့ ဗျည်းအက္ခရာထဲက “လ”
ဘာကြောင့်မတူတာလဲ...
ကျွန်တော်နဲ့ အဖော်များ
ကျောင်းတော်မှာ သဘောကွဲပြားကြ…။
ကျွန်တော်က လူပျင်း...
သစ်ပင်ခြေရင်းမှာရပ်လိုက် ၊ သစ်ပင်ဖျားကိုတက်လိုက်
စာမေးပွဲတွေမှာ...
အဆင့်တွေကိ၁ မှ ၁ဝဝ မရေရာ…။
တစ်စတစ်စ...
လူငယ်သီချင်း ၊ နှင်းဆီဓားသွား ၊ ရင်ကြားစိုက်နစ်
ကျွန်တော်က တေလေကုန်းမှာကဗျာဆရာဖြစ်လာတယ်။
လူငယ်တစ်ယောက်ရဲ့ရင်ခေါင်းမှာ…
အိမ်မက်တွေအမြှောင်းမြှောင်းထ…
ဂမ္ဘီရလမင်းကလည်း ဝိုက်အုပ်ဖြာဆင်းကျနေတော့တယ်…။
(၈)
တစ်ရက်မှာ
မြူပြာမှိုင်းမှုန် ၊ အိမ်မက်ကိုစောင်လိုခြုံဆဲ…
ကြယ်တွေအကုန်ကြွေတဲ့ည
ကျွန်တော့်အပေါ်ကြိုးပြတ်ကျတယ်…။
ကျွန်တော်…
မပျော်လေလွင့် ၊ ရင်အနင့်ဆုံးဆောင်း
နှင်းတွေပြောင်းပြန်စီးမျောလာ…။
မေမေဟာ…
ကျွန်တော်ပြန်လာမယ့် သန်းခေါင်ယံကိုခြံရံစောင့်ကြပ်
အလင်းရဲ့နတ်သမီးလို…မီးအိမ်ကိုင်ပြီးစောင့်နေတယ်…။
နာကျည်းပင့်သက် ၊ အရက်သောက်လာတဲ့သား
အမေ့အား စကားမဆို
အမေကား…သားကိုယ်စား မျက်ရည်မဲ့စွာငို…။
သား…
ဘဝဆိုတာရေစီးထဲကဗေဒါ ၊ မရေရာဘူးကွဲ့
ဒါပေမယ့်…
မျှော်လင့်ချက်ရဲ့အရုပ်များ ၊ အရောင်များ ၊ အရိပ်များ
လွှင့်မပစ်နဲ့ သိမ်းထား…
ဝိညဉ်ရုန်းကန်တစ်နေ့မှာ သူတို့ပြန်ရှင်သန်လိမ့်မယ်…။
မေမေ့စကားက
ကျွန်တော့်ရဲ့ မိုးခါးရေများကို
တစ်စက်ချင်း…တစ်စက်ချင်း…တစ်စက်ချင်း ချိုစေခဲ့ ။
(၉)
ဝါဆိုပန်းခူး ၊ စံပယ်ဦးတို့မွှေးသက်ဝေဝေ
မုတ်သုန်လေရဲ့ မှတ်တမ်း
မီးကိုလည်းကျွန်တော်နမ်းခဲ့ …ရေကိုလည်းကျွန်တော်နမ်းခဲ့။
မေမေဟာ…
ခြံထောင့်မှာ ဒေလီယာတွေပျိုးရင်း
မိုးစိုနေတဲ့ဆံနွယ်ခက်ကို လက်နဲ့သပ်တင်
သူမလည်း ရင့်ကျက်ကြည်လင်နေတယ်…။
အမေချုပ်တဲ့
ဇာမဏီရုပ်နဲ့ အင်္ကျီ ချည်မျှင်ကြမ်းကြမ်း
ကျွန်တော် ... လမ်းမှာဝတ်ရန် ...။
နွားကသူငုံ့စားနေတဲ့မြက်တွေကို
ဝံပုလွေတစ်ကောင်ရဲ့အော်သံကြားတယ်လို့ပြောဆိုနေဆဲ
သွားကြစို့လေ…
မုဆိုခြေထောက်များနဲ့ ကျွန်တော်သွားရာ ကျွန်တော်လိုက်
လေဆန်တွေ ပစ်စလက်ခက်တိုက်နေတဲ့ ခင်တန်း
ပဒိုင်းပန်းတွေလည်း ဗောင်းလန်အောင်ခါရမ်းပွင့်ဝေ…။
(၁ဝ)
သား…
၁။ တိမ်တွေပျံတာ မိုးပေါ်မှာဘာနဲ့မှမငြိဘူး
၂။ တစ်တောလုံးကိုလည်းကြည့် တစ်ပင်ချင်းလည်းကြည့် တဲ့။
မေမေ့ဆုတောင်း ဘုရားကျောင်းမှဝတ်ပြုသံ
လောကဓံအသစ်သစ်တွေနဲ့မြင်းရိုင်း
မိုးကုတ်စက်ဝိုင်းတစ်ခြမ်းကို ထိုးဖောက်
ကျွန်တော်ဆက်လျှောက်နေတယ် …(ဖိနပ်လည်းအခါခါပေါက်ခဲ့)
ညပေါင်း ၁၄ဝဝ
ဝင်္ကပါတောင်ကြားမှာ…ကံနတ်ဘုရားနဲ့စီးချင်းထိုး
ကျွန်တော်ကြိုးစား ၊ အမှားများလည်းချင်းချင်းနီ…။
ဧရာဝတီဟာမေမေ ၊ ပိတောက်ပင်ဟာမေမေ
ဖယောင်းတိုင်ဖြူဖြူဟာမေမေ ၊ နံနက်ခင်းကြေးရုပ်ဟာမေမေ…။
ခု… မေမေဆုံးပြီဆိုတဲ့သတင်းမှာ
ကျွန်တော်ဟာအရာရာဝင်းရှင်းပေါက်ကွဲ…နီလဲ့
လူတဆုံး…ဝိညဉ်တဆုံး ၊ အကြွင်းမဲ့ဗုန်းဗုန်းလဲကျ
“မေမေ”
(၁၁)
မေမေဟာ…နာရီသံနဲ့အိပ်၊ နာရီသံနဲ့နိုး…
ဘယ်တော့မှထမင်းအိုးဝေမကျတတ်တဲ့ မိန်းမမျိုးဖြစ်တယ် ။
မီးလောင်နေတဲ့ငရဲပင်ပျိုမှာ ၊ ပွင့်အိုလေးပမာဝါဝါနွဲ့နွဲ့
သတ္တိသစ်တွေနဲ့ဝေရဲခဲ့တယ်…။
သားငယ်ရဲ့ မျက်နှာကို
အလင်္ကာလိုလည်းဖတ် ၊ ပုစ္ဆာလိုလည်းဖတ်
ဆိုလိုရင်းကို ချက်ချင်းရှာဖွေတွေ့တတ်တယ်…။
လင်မရှိတော့ပေမယ့်
သားငယ်အတွက် ရင်ခွင်တစ်ခုရှိတဲ့မိန်းမ
လူကန္တာရတို့ရဲ့ကျောက်တိုင် ၊ မြေခိုးမြေငွေ့ကိုပိုင်တယ်။
(အလင်းပြာမှတ်ကျောက်အတွင် မင်တစ်ပေါက်ဖြစ်တယ် )
(၁၂)
အမေမရှိတဲ့သားမှာသာ
စေတန်ရဲ့လွှသွားကို ခါးသီးကွဲရှ
အရိုးမြုပ်အောင် ကိုက်မြိုခဲ့ရပြီ…။
မျက်နှာကိုလက်ဝါးနဲ့အုပ်ရုံကလွဲလို့
ဘာမှလည်းလုပ်မပေးနိုင်တဲ့နေရာ…အဝေးမှာ
ကျွန်တော်က…ဟိုး…အဝေးကြီးမှာ…။
ကျန်တာတွေကတော့မပြောင်းလဲပါဘူး
မီးခိုးငွေ့တွေကလည်း
ရိုးရာအခြေအနေအတိုင်း ၊ လှိုင်းထကော့လန်
ဒရွတ်တိုက် ပျံတက်ဆဲ…။
အမေ့ရဲ့ခြေလို လက်လိုနေခဲ့တဲ့ကောင်
အမေမရှိချိန်မို့ လမ်းပေါ်မှာပျံ့ကြဲလို့…။
အမှားလက္ခဏာ ၊အမှန်လက္ခာ ၊ဘာနဲ့မှလာမတိုင်းတာနဲ့
အမေဆိုတာ ထာဝရအကန့်သတ်မဲ့တယ်
ချစ်သောမေမေ…ကောင်းရာသုဂတိဘုံသို့ရောက်ပါစေ…။
(ကောင်းရာဘုံတို့၏တံခါးသည် မိခင်များအတွက်ပွင့်စေသတည်း)
(၁၃)
နောင်နှစ်ပေါင်းများစွာကြာရင်
အမေ့အုတ်ဂူကို ၊ဝတ်ရုံဖြူနဲ့လူတစ်ယောက်လာမယ်
အနက်ရောင်ကတ်ပြားမပါ ၊လွမ်းသူ့ပန်းခွေမပါ
လေထန်လမ်းမှာ ဆံမျှင်တွေလွင့်ဝဲ…
အဲဒီလူဟာ…သားပဲပေါ့ မေမေ
ဘယ်သံသရာမှာပြန်ရှာရင် မေမေ့ကိုတွေ့နိုင်မလဲ
ကျွန်တော့်ရှေ့မှောက် လရောင်တွေကွေ့ကောက်လွန်းလှချည့် ။
အမေ့ကိုယ်စား…
အမေ့ကိုယ်ပွါး…
ကြယ်စင်များကိုလက်ဖဝါးနဲ့ပန်၊ မြင်းခွါသံမှာအပ်နှံလိမ့်ဆင်း
အဝါရောင်မီးရှူးမီးပန်းလို
“ လင်း ” ပြီးမှပျောက်မယ် …။
ကျွန်တော်…
မေမေ…
မာယာတောင်ခြေမှ ဒရမ်တီးသူများ ၊မျက်လှည့်တီးလုံးများ
သီချင်းအကွဲ အစ…တစ်ပုဒ်ပြီးဆုံးသွားပါပြီ…။
မေမေ...
ကောင်းရာသုဂတိ လားပါစေ…
ခေါင်းလောင်းထိုးသံ တိုးတိတ်လွင့်ဝေ…...
ခေါင်းလောင်းထိုးသံ တိုးတိတ်လွင့်ဝေ…...
ခေါင်းလောင်းထိုးသံ တိုးတိတ်လွင့်ဝေ…...
……………………………………………………
……………………………………………………
……………………………………………………
တာရာမင်းဝေ
သက်ပြင်းလောင်းသံ
ံ
ငါ...... ကြေကွဲနေပြီ
ရင်ဘက်မှာလည်း
ဝိညာဉ်ကျောက်သားတွေအက်ကွဲလို့...
ငါ....ဘယ်လိုလုပ်ရမလဲ
ပိတ်ထားတဲ့ ပန်းပွင့်ကိုကော ဘယ်လိုအလင်းနဲ့နမ်းမလဲ
အငွေ့ပြယ်ပြီး ပျောက်သွားရင်လည်းပြီးရော...
တကယ်ဆို
ကောင်းကင်တိုက်ပွဲအသစ်တွေနဲ့သာနေ/သေချင်တော့တယ်....
တာရာမင်းဝေ
အတိတ်မေ့ငှက်
ခပ်ရေးရေးလေး
မြင်နေရတယ်ချစ်သူ
မလိုအပ်တော့တဲ့
တစ်ချိန်ကတို့ရဲ့အတိတ်တွေပေါ့
ဒီချိန်ရောက်မှတော့...
ပြန်ပြောဖို့မလိုတော့ဘူးဆိုပေမဲ့
အတိတ်မေ့ငှက်ကလေးတွေရဲ့
လှောင်ရီသံကြားတိုင်း
ခဏခဏဆိုသလို
ငါပြေးသွားမိတယ်...
(အဲဒီအတိတ်ဆီကို)
အမောပါပဲ..ချစ်သူ
သက်တန့်ပေါ်မှာကစားချင်လို့
အပြေးလိုက်နေတဲ့
ကလေး လေးလိုပေါ့။
ပျောက်ကွယ်သွားမှ
ဖမ်းဆုပ်လို့မရမှန်းသိခဲ့ရတယ်
တကယ်တော့ငါဟာ...
အချစ်အိပ်နိုးတွေမပြေသေးတဲ့
လူတစ်ယောက်ပါ ။
အလွမ်းတွေနဲ့
မျက်နှာသစ်မိတဲ့အခါတိုင်း
ရောင်ခြည်မဖြာသေးတဲ့
ဒီအာရုဏ်ဦးဟာ...
ငါ့အတွက်မလန်းဆန်းခဲ့ပါဘူး
နေ့ရက်တိုင်းမှာ
ဝေဒနာနဲ့အစပြုနေရသူပါ
♥ အယ်ပိုင်♥
